今日我拿我只猫女去做结扎手术，行咗去德政路果边，见到某间宠物医院规模都算可以，收费还算公道，就将我只猫女俾佢地做手术啦。个医生话到食饭时间，要下午先做得，叫我下午2点再过去接翻只猫女。咁我都无办法，我只猫就眼定定咁睇住我走，佢俾人关係个笼度好惊。
下午我去嘅时候，见到我只猫女已经入咗手术室啦，仲就快做完。其实做手术之前主人係米应该係度，睇住自己只宠物麻醉，动刀会放心D呢……但係如果主人怕见到呢D就另一回事啦。咁都算啦，D医生仲要一边做手术一边係度讲笑，有个无着医生袍看似嚟学野嘅女仔入埋手术室同医生讲笑埋一份。讲到兴起仲啪医生只手添，大家要注意医生正係度帮我只猫女缝紧针，万一个女仔啪一啪，医生跌咗支针整到我只猫咁点算吖！！！ 个女仔係手术室一边讲一边用纸巾捂住个鼻，既然咁样佢入去做咩呢？
做完个手术，医生提住猫猫件手术服将猫猫带出手术室嘅时候，我又听到个女仔讲：“成条腊肠咁。”个医生将我只猫放入个笼度时候完全唔理只猫个爪卡住咗…… 我真係睇到把几火！！！
点解果个女仔会可以咁样出入个手术，就算我只猫唔係D咩名贵嘅猫，但係对我嚟讲佢都係我嘅宝贝，点解当住我面都可以咁样讲野，点解医生工作紧都可以係度咁样开玩笑？？？ 真係太过分啦！！！
欢迎你来到奥一网报料频道，我们欢迎你客观、理性的报料和发言